Son

Publié : 2008-12-07

---

I aviá un renard que minjava totas las polas : « quela tròp de bestia », ço-ditz ma maire, « vau l’atrapar per de bon ». Demandèt una trapèla als vesins e la botèt al mitan de la polas. Un matin, auviguèt grand bruch ; davalèt dins la cort. Qu’èra los dos chens qu’eran a l’entorn de la caissa e que udolavan de bonur : i aviá un tròp de gròs renard, lo mai enorme que ma maire aviá jamai vist ! E se botèt a dansar emb los chens…

Publié : 2008-12-07

---

Lo Pepe de Jayac racontava q’un còp, volguèt anar a la vòta a Nadalhac en bicicleta.

Sus lo camin, podèt pas se figurar coma, mas faguèt un brave cròc a sa culota, que li vesiá tot lo tiol…

E èra un pauc lunh de Jayac, mas voliá li anar a la vòta, e benlèu ben que n’en aviá pas un autra de culota a la maison per se canjar !

“per mon arma”, ço-ditz, “e que far aura ?”

Enfin, trobèt un biais : prenguèt lo cable del fren de la bicicleta, rapetacèt sa culota coma podèt e contunhèt son camin aital.